Şəkinin səsi qəzetinin yaranma tarixçəsi

 

Şəkinin-səsi qəzetini təsisçi baş redaktoru Salis Məmmədov 1966-cı ildən indiyə kimi həm də İpəkçi qəzetinin redaktorudur.

Təvəllidlü 1932-ci ildir. O, SSRİ dövründə Şərəf nişanı ordeninə, Lenin Yubiley medalına və Azərbaycan Jurnalistlər İttifaqının Qızıl qələm mükafatına, Azərbaycanın müstəqillik illərində isə Əməkdar jurnalist fəxri adına və Tərəqqi medalına layiq görülmüşdür.

Salis Məmmədov öz cəsarətli jurnalistlik fəaliyyətinin nəticəsi kimi, istər Sovet, İstərsə də müstəqillik illərində təzyiqlərə məruz qalmışdır. O, Azərbaycanda Sovet dövründə nəşr olunan qəzetlər arasında 1-ci olaraq, redaktorluq etdiyi İpəkçi qəzeti üçün, ənənəvi Bütün ölkələrin proletarları birləşin şüarından və Azərbaycan KP Səki İpək İstehsal birliyi PK-nin təsisçiliyindən imtina etmişdir! Kim belə bir işə cəsarət edə bilərdi?!

Lakin 1992 -1993-cü illərdə Xalq Cəbhəsinin dövründə Salis Məmmədova qarşı təzyiqlər daha da artmışdır. Hətta o vaxtkı Mətbuat və İnformasiya naziri Sabir Rüstəmxanlı 2 dəfə televiziyada çıxış edərkən İpəkçi qəzetinin ünvanına kəskin fikirlər söyləmişdir. İpəkçi dövlət müəssisəsinin qəzeti idi. İstəyirdilər ki müəssisə rəhbərliyinin əli ilə Salis Məmmədovu təqaüdə göndərsinlər. Məhz, bu zaman müstəqil bir qəzetin Şəkinin səsinin yaradılması ideyası meydana çıxdı. Amma necə? Sabir Rüstəmxanlı imkan verərdimi ki o, yeni qəzet təsis eləsin? Ystəlik, təsis üçün dövlət rüsumu da Salis Məmmədovun maddi imkanı ilə müqayisədə çox böyük məbləğ idi.

Salis Məmmədov Şəkinin səsinin, Mətbuat və İnformasiya Nazirliyində qeydiyyatdan keçməsi üçün o vaxtkı Respublika Prokuroru İxtiyar Şirinova müraciət etdi. Baş prokurorun işə qarışması nəticəsində yeni qəzetin yaradılması yolunda əsas maneə aradan qalxmış oldu. Şəkinin səsi üçün dövlət rüsumunu isə Ali sovetin o vaxtkı deputatı, dostumuz Kazım Məmmədov ödədi...

1993-cü ilin iyun ayının 15-də, Azərbaycanda ictimai-siyasi vəziyyət xeyli kəskin idi. Axşam Milli Məclisdə, Milli Məclisin həm də prezident səlahiyyətlərini icra edəcək sədri seçilməli idi. Belə bir gündə, günorta vaxtı Şəkinin səsi qəzetinin 1-ci sayı Şəki mətbəəsində nəşr olunurdu. Şəkinin səsi qəzeti artıq Azərbaycan ictimaiyyətinə məlumat verirdi ki:

Heydər Əliyev Milli Məclisin sədri seçilmişdir!

Bəli, Salis Məmmədov əmin idi ki məhz, Heydər Əliyev Azərbaycan Milli Məclisinin sədri olacaqdır!

İndi həmin gün, qurtuluş günüdür.

Baxmayaraq ki Salis Məmmədov, Vəzirov, Mütəllibov, Xalq Cəbhəsi dövründə mərhum, sabiq prezident Heydər Əliyevi cəsarətli məqalələri ilə müdafiə etmişdir, halbuki həmin vaxtlar o, dövlət müəssisəsi qəzetinin redaktoru idi və bu yazılarına görə onu hər an vəzifəsindən uzaqlaşdıra bilərdilər, Əliyevlərin hakimiyyəti dövründə isə onlardan 2 təbrik teleqramı və bir də "dəmir" "Tərəqqi" medalından qeyri heç nə almamışdır. Heydər Əliyev, Salis Məmmədovu şəxsən tanıyırdı. Bir dəfə, o, Azərbaycan Ali Sovetinin deputatı kimi, Ali Sovetin sessiyasında iştirak edərkən, Şəkidən seçilmiş deputat Çingiz Əfəndiyevlə görüşüb, onu dəstəklədiyinə görə Salis Məmmədova minnətdar olduğunu bildirmişdir.

Lakin Salis Məmmədov, Əliyevlərin hakimiyyət illərində bir jurnalist kimi daha çox çətinliklərlə qarşılaşdı. 1994-cü ildə mərhum, sabiq prezidentin adından sui-istifadə edən Nuşirəvan Məhərrəmli - indiki Milli Televiziya və Radio Şurasının sədri, Şəki İH başçısına "Səkinin səsi"nin nəşrini dayandırılması barədə saxta göstəriş vermişdi, baxmayaraq ki bu qəzet bəzi KİV kimi heç vaxt yalan və böhtana görə məhkəmə tərəfindən cərimə edilməmiş, Azərbaycanın suverenliyini, qanunlarını daima müdafiə etmiş və s. Məsələni şəxsən araşdıran Salis Məmmədov, Nuşirəvan Məhərrəmlinin saxtakarlığa yol verdiyini, prezidentin adından sui-istifadə etdiyini, prezidentin isə əslində bu məsələdən xəbərdar olmadığını öyrənir və nəticədə "Şəkinin səsi"nin nəşrinə qoyulmuş saxta qadağan öz "qüvvəsi"ni itirmiş olur!

 

 

 



Hosted by uCoz

 

GOOGLE PR indiqatorları (Ana səhifənin PR dərəcəsi) : 1. 2.3.Free PageRank Checker 4.

Sayğaclar:1. ILK-10 Azeri Website Directory 2. 3.

AZERİNTER.NET dən daha ətraflı:

4. 5.6.

GOOGLE REKLAMI:

(Bu reklama baxsanız bizə də xeyir vermiş olarsınız!)

Bizimlə əlaqə: shekininsesi@gmail.com